حد يشترى خيبه

أه أه هيا فين؟؟ شوف أحنا بندور على الخيبه علشان نشتريها بالله عليك مش خيبه أن أحنا ندفع فلوس

علشان خيبه شوف ما أحنا قولنا خيبه ما هوا أصله ما فيش حد يدفع فلوس علشان يشترى خيبه أه أنت عمرك شوفت واحد أجنبى دفع فلوس علشان يضيع وقته؟ الجواب لأ طبعا أهو الشباب العربى فى كل مكان بيدفع فلوس علشان يضيع وقته أه بيدفع فلوس فى حاجات والله ما ليها أى فايده على الأطلاق زى مسلا السلاسل الى بيشتروها علشان يلبسوها وهيا اصلا معموله لاموأخذه علشان الكلاب أه ماتستغربش والحظاظات ألى هما بيقولوا أنها بتجيب الحظ حظ أه ألى ها تجيبهولك جتك خيبه وألف خيبه ما أنت أصلا لو كنت فاهم فى دينك كنت عرفت وما أشترتش خيبه. بس نقول أه يعنى ماهى خيبه وفى شباب يروح يشتريلك الكاب مخصوص علشان يلبسوا بليل مع أنه المفروض أنه يتلبس بالنهار علشان الشمس شمس مين يا عم ما هيه ده الخيبه ده مش بس خيبه ده خيبه وخيبه ما بعدها خيبه يا جدعان فوءوه شويه مش أى حاجه تطلع تروح تجيب وتلبس حلوة مش حلوة البس وخلاص ,ياعم ما كل الدنيا لبسه جت عليا انا يعنى. أه جت عليك ما أنت لو ما أشترتش وده ما أشتراش مش هاتلاقى حد لابس و ألى بيعملوا الخيبه ويبعوهالك بفلوس مش ها يعملوا تانى بس نقول أه بس ما أحنا قولنه من الأول أنه خيبه .

وعمرك أنت بالله عليك شوفت حد بيفضل أعد فى النت يلعب 48 ساعه فى اليوم يلعب لعبه مالهاش أى لزمه بس نقول أه ما أحنا قولنا من الأول انها خيبه وأه يرتها جات على العب بس ده كمان ما بيروحش مدرسته وبيروح يوءد مع شويت خياب علشان يلعبوا خيبه و أه بيدفعوا فلوس كمان والله العظيم خيبه فوءوا شويه و باطلوا خيبه .

مع السلامه