عشر طرق تتعلمي فيهم البرود وما تزعليش نفسك خالص

الطريقة الأولى
الصبح وانت رايح على شغلك وهى نايمة تعمد اسقاط اى شيئ او خبط الباب
بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى
قولها مادام صحيتى حضري الفطار بقى


ببساطة قوليله مش فايقة
ولما ييجى من الشغل ويخش ينام استنى شوية واول ماعينه تروح فى النوم عيشى حياتك فى الاوضة وياريت وانتى داخلة يكون معاكى مفاتيح او غوايش اى حاجة تعمل صوت


الطريقه التانيه

اذا كنت بتتفرج على التليفزيون وهى عايزة تغير القناه .. قولها معلشى الحلقة دى مهمة جدااا واحد صاحبى شافها على القناه الفضائية وقاللى ان الحلقة دى هى المسلسل كله... ولو كنت بتتفرج على ماتش كورة هيبقى الموضوع اسهل ... كل ما حد من اللاعبين من اى فريق يمسك الكورة قولها معلشى ثوانى بأة انا حاسس ان الكورة دى جون حتى لو كان حارس المرمى ماسك الكورة والماتش واقف لأن فى واحد مصاب


اقعدى لتى واعجنى وارغى لغاية ما يزهق ويقوم لواحده


الطريقة الثالثة

اصح يوم الجمعة بهمة ونشاط وجهز الافطار لزوجتك بس متنساش انك تستخدم
15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات
لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة
وقشر البيض فى الحوض


بسيطة بعد ما تفطرى براحتك خالص البسى هدومك وروقى نفسك وقوليله انك رايحة تزورى ماما

اصلها وحشتك اوى ويعيش حياته هوا فى البيت


الطريقه الرابعه

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة


هاتيلو بمناسبة عيد ميلادك نظارة وياريت تكون قعر كباية


الطريقة الخامسه

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات
واستمتع بأكل الجاتوة امامها

اعملى بارتى واعزمى كل الحبايب و يفضل وجود مامتك وشطبوا على التلاجة وعلى خزين البيت كله
ولو سالك ليه كده ردى بكل بلاهة (انا حبيت اعمل تغيير بدل الروتين الممل بتاع كل يوم)


الطريقة السادسة

متنساش رأيك فى طبيخها لو عاملة لحمة قالها حلو اوووى الفراخ دى ..ولو طبخة بامية
.. جميلة اوى الملوخية دي ياحياتي حطة عليها اية ؟؟ ولو عملة كيكة قالها
انا بحب اشرب شاى مع البسكويت الحلو دة !!


مترديش عليه سبيه يكلم نفسه
عادى مفيش دم خالص


الطريقة السابعة

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل
عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !


قوليله خليك زى ما انت فداك الهدوم داانا حتى كنت بفكر اسربهم اصلهم قدموا

اه انا نسيت اقولك انى اشتريت هدوم النهاردة والفواتير حتتبعت على مكتبك يا روحى ( ابتسامة صفراء)



الطريقة الثامنة

لو الزوجة قررت مسح الارضيات فى البيت حاول انك تروح وتيجى على المناطق المبلولة
متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية


هما شوية صابون فى الارض حيحلو المشكلة ويقعد على جنب نتيجة كسر او يمكن توصل لشلل
رباعى وعجز تام بس زودى الصابون


الطريقة التاسعة

لو كانت مشغولة فى نظافة البيت او مع الاولاد وطلبت منك تغسل كوبتين
الشاى بتوع الصبح الموجودين فى الحوض ارجعلها كمان دقيقة من دخولك المطبخ
وانت ماسك كوباية من الاتنين وهى مكسورة واسألها فى براءة ارمى دى فين

امتنعي عن دخول المطبخ لو ما لمش الازاز المكسر ويبقي يشوف ها ياكل ايه وازاي



الطريقة العاشرة

وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن
كوباية مية علشان ضهرى بيوجعنى

بكل برود تنادي علي ابنها وتقوله كوباية ميه لبابا يا حبيبي
لو ما فيش اولاد تقومي تاخدي دوش سخن وتتغطي وتنامي بكل برودو

ياجماعه احنا جايين نهدي النفوس بس